یکم ستمبرسےپیٹرولیم مصنوعات کی قیمتوں میں کمی کاامکان

پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔
ذرائع کےمطابق پیٹرول کی قیمت میں 61پیسےفی لیٹرجبکہ ڈیزل 3روپے13 پیسےفی لیٹرسستاہونےکاامکان ہے،مٹی کاتیل ایک روپے57پیسے اورلائٹ ڈیزل2روپے61پیسےفی لیٹرسستاہونےکاامکان ہے۔
ذرائع کاکہناہےکہ پیٹرولیم مصنوعات کی قیمتوں میں کمی کی ابتدائی ورکنگ تیارکرلی گئی ہے، اوگرا 31اگست کوورکنگ پیٹرولیم ڈویژن کوبھجوائےگا،وزیراعظم شہبازشریف قیمتوں کی حتمی منظوردینگے۔
یاد رہے کہ حکومت نے نئےمالی سال کےآغازپرپیٹرول کی قیمت میں 8روپے 36پیسےفی لیٹراضافہ کیاتھا جس سےپیٹرول کی نئی قیمت 266روپے 79پیسےفی لیٹرہوگئی تھی جبکہ ہائی سپیڈ ڈیزل 10روپے39 پیسے فی لیٹرمہنگا ہونے سےہائی سپیڈڈیزل کی نئی قیمت 272روپے98پیسےفی لیٹرہوگئی تھی۔پھرجولائی کے آخری سولہ روزکےلئےقیمتوں میں اضافہ کیاگیاتھا۔وفاقی حکومت کی جانب سےماہ اگست کےپہلے پندرہ روزکیلئےپیٹرولیم مصنوعات کی قیمتوں میں ردوبدل کیاگیاتھاجس میں پیٹرول کی قیمت میں 7 روپے 54پیسےکمی کی گئی تھی جس کےبعدپیٹرول کی نئی قیمت264روپے61پیسےفی لیٹرمقرر کی گئی تھی۔جبکہ ہائی سپیڈڈیزل کی قیمت میں1روپے48پیسےفی لیٹر اضافہ کیاگیاتھا۔جس سےڈیزل کی نئی قیمت 285روپے83پیسےفی لیٹرمقرر کردی گئی تھی۔